خابن ہندی انہار

"خابن ہند‍ انہار"

طارق احمد طارق

بشکریہ‐رفیع آباد ادبی مرکز

-----------------------------
PDF یھا ں سے ڈاونلوڈ کرے -----------------------------

ا نسانی وجودس چھ ازلہ لانے خابن ہند گُلہ میوٹھ باگہ آمت. خاب چھ سرمایہ حیات. خابن ہنز باگرن چھ  غریبن تہ غلامن ہندس حقس منز ذیادہ پہن درانٹھ گژھان. خاب کُس چھنہ وچھان. خابن ہند سلسلہ گژھ نہ ژھنن تہ،  رٔنن تہ. 
حضرت علیؓ صاب فرماواں زِ 'اگر غلام وُچھُوون شونگھت، سُہ گژھنہ بیدار کرُن شاید آسہ سُہ آزادی ہندی خاب وچھان'. 
شاعرچھ خابن ہندی انہار بدٍ کڈان. امن مختلف انمانو مولہ واوان تہ بسیار زاویو پانس برونہہ کنہ نازل سپدنک پنہ نس پانس احساس گنہ راوان. 
میہ آو حکم کرنہ کہ بہ وچھہ کیمہ سندی خاب چھ ذیادہ خوبصورت. میون جواب چھ یمس خوابن لولہ کھولہ کرنس منز ذیادہ خلوص آسہ.
میانیو نظرو یمن شاعرن ہندی خوابن ہندی حوالہ اشعار گزریای تمن پیٹھ کر بہ پننہ انمانہ کتھ. 
گوڈھ کتھ یہ کہ امہ خابہ ہلم گژھان نہ اسہ قطعاً تہ میسر اگر نہ ڈاکٹر رفیق مسعودی یتھ کارس ہُل گنڈھان. تمن خاب سنمرتھ آ نس بابت مبارک.

شہناز رشید 

شہناز رشید صاب چھ خاب تھر نک زبردست فن زانان. امہ سندی اشعار چھ خابن اکھ پاسل جہت دوان. پانہ تہ کریو مشاہدہ..

خاب چھ ِ ہیرِ بُون زاگہِ بہتھ
کتھ کتھ دروازس دِ مہء تور
(شہناز رشید)
 کم یار سپدئ خواب، سناں آسہ  کنے زون

پے چهم ز سہ پریتهہ شامہ وداں آسہ کنے زون

ضرور  روتلہ  آسن  کهوژان  اتهہ  منز خواب.

کسند مکانہ چهہ استادہ  ،دارہ  بر  نہ کنی    ؟

ژانگین  دواں  چهہ  گاش  ، اچهن  منز  تهوان  خواب   ،،،

پریتهہ  دوہ  چهہ  شام  وقتہ  خدا  سون  کن. یوان.  ،،،،

کانژها  کرو سا زول گهرن، آنگنن  ، وتن  ،

نوزکهہ  چهہ  سانئ  خواب، یمن کهوژناوہ شام

کوت  گژهو  خوابہ  ہلم  ہیتهہ  وں  شبس  شہرہ  نیبر  ،

بلکہ  دیت  کانسہ  یتی  جایہ  پناہ  ، دی ز نظر

تارکهہ چهہ از تہ راومتین ہنز انان شیچهہ، 

کیمخاب ہے رنیاے مگر خواب نے رنیاے   ،،،

شرئ  باشہ ، سورمہ  چشمہ  ، موللئ  خواب  ، یار جان  ،

سدرس  اندر  چهے  ناو تہ تتهہ  بے شمار  ناو ....

شہناز رشیدن چھ پننہ شاعری ہندس کینواسس پیٹھ خوابن ہنز نوزُک مہرنی وقتکیو حادثاتو نش محفوظ تھاونچی پریتھ کوشش آیتن تھاومژ. 

خابک پیکر چھ شہناز صابس نش پاسل.

کنہ زاگہ بہتھ شکاری ہیو
کنہ ژورِ روزتھ بیقراری ووتلاوان
کنہ خستہ مکا نن منز کھوژان
کنہ زوول کرناونس امیدوار
کنہ خوابہ ہلم ہیتھ وانسہ وادن انتظار کران
غرض شہناز صابن شاعری منز چھ خاب خوبصورتی سان  واش کڑان. مبارک.

شاھد دلنوی 

یہ چُھ لولک زر یُس تھاواں چُھم اکھ نارہ الاوا پادن تل

یہ چُھ خوابے تِيُتھ ییمہ خوابہ گیم آوارہ نظر ولہ واتکھ نا

 گراں چُھ خواب کُنے زون تہ ژالہِ اوش ہاران

مُسآفرا چُھ خدایس حوالہ کمرس منز

چشمن ووں سورِ گاش تہ یم خواب ہا مرن

یی اوس اگر لانہِ وولا أسی تہ ہا مرو

 پارے دِژکھ زِ یُتھ نہ از کانہہ راتھ کِيُت شونگیو

کم خواب سناں رودی شبس نیزہ ہوی أچھن

 ینا وُزہ ناوہن اڈہ نیندرِ مسول تس تہِ ما آسن

امارکی,یاونکی,لولکی,بہارکی خواب چشمن منز

 سونچم لگن ووں کتھ تہ کرم آبہ بزی توے 

یم خواب بنیامتی ووں سراسر ووبال آسی

 ینے ووں خوآبی تہ سپدکھ اوارہ نیم شبس

ونیوے نا مے یمن مآنزِه نمن  کیازِ بلیوکھ

 شاہد دلنوی سند اسلوب چھ بیک ووقت انفرادی تہ، تہ روایتی تہ. 

شاہد صابس نش چھہ خابن ہند حوالہ احساس محرومی درانٹھی گژھان

محبوبس پراری پراری خاب آوارہ گژھنی

مسافرتنہ تنہا بند کمرس منز خاب گران

ناامید گژھت خاب بور ہیتھ قبر وسنک سنز
خابن پیٹھ پابندی ہند احساس گنُن

خابن وبال جان سمجتھ آبہ بُز کرُن

گویا شاہد صابن چھ اکس پختہ کار سندی پاٹھ خابن ہنز تصویر باذر تراومژ. مبارک

 منظور خالد

 چشمہ تہء نندر روزہ وچھان

صبحس تامت وُو نُم خاب

 مے تِہ کھوت اکہ دوہ رتِھ باپار

دوہ دِتھ شامن زیونُم خاب

 تر دراو کتھ تاں دوئے خارس

صحراوس منز لوٗنُم خاب

 گز گتی فکرو کور گیراؤ

پاوو ستی یلہ میو نُم خواب

 منظور خالد صابن انداز چھ منفرد. تمہ چھنہ خابن پنن وجود آیتن تھاوان بلکہ چھ اکھ باہمت انسان بنتھ خاب تھرنچ سبیل کڈان. 

منظور خالدنی انفرادیت چھ یہ ز سُہ چھنہ خابن ہندی خاطر نیندر آویزان بلکہ چھ پانہ پننی خواب تھران.

منظور خالد چھ خاب وونک فن زانان.

نیندر ناش کرتھ، أچھن تہ نیندر پنن خاب ہاوان
پننہ محنتہ خابن ہند باپار چھیکرس زہنتھ خوش گژھان
دعایہ خار تہ محنتہ ساتی صحراون تام خابن ینز فصل لونان 
مبارک اتھ اسلوبس

 الیاس آزاد

واو چھُ سونتُک خواب وُچھاں

پان چھے پأراواں ہی تھءر

(ا.آ)

 بے خواب ' خوابہء زُوے ژیہ دِواں ناد بار بار

چھے آیہءتن ژیہ ناو ژء مژراو باد بان

 ناو وُچھمژ آسہِ ہن ' سہلاب وُچھمت آسہِ ہن

گردآبس تمی پھستھ کانہہ خواب وُچھمُت آسہِ ہن (الیاس آزاد)

 أنس    اندر   سپدِم    قأد

سورملی چشمہء تہء سونتکی خواب ( الیاس آزاد)

 پریتھ رأژ آسمانہء أچھن منز وساں چھ خواب

پتھ گو نصیب کر تہء کمس کیا دِواں چھ خواب

 الیاس آزاد چھ خابن ہندی دفتر واو، طوفان تہ سدر زوین اندر کھولتھ بہوان۔امہ سنزِ تخیلچ وڑو چھ سرتازہ پیکر تھران۔

واو انسانہ سنزی رایہ خاب ووچھن۔

خابہ زووین  کن ناو پکہ ناونی.

گرد آب من خواب آسنی.

آنہ خانن منزل خاب قآد گژھنی.

خاب آسمانہ نازل گژھت محض نصیب والین میسر روزنی. 
الیاس صابس مبارک.

 نگہت صاحبہ

 یِم تُلان أسی نِندرِ سحرن بأگی
از تِمے شُوژِی خواب سوزکھ نا !

 بنگرِ ،وردن ،سنگھار، اِسبند دأنی
کونزء ،المارِ ،خواب آبے آب

نگہت صاحبہ
 خوابن ہندی بِستر گے آبس 
ؤڈونی جاناور گے آبس 
ژیے ہی میے ہی کأتیا گاٹلی 
میناں کولِہ زیچھر گے آبس
 پرتھ رأژ سبز خواب ،دوہس زرد پنکی ڈیر
تنِہ پھُلیِہ ونکی جامہ، منس زرد پنکی ڈیر
 ژے خواب ژھل کرِتھ نِیَتھ 
مے کر دِتِی اصالتن

 نگہت چھ خابن پننہ آیہ زیو دوان. خابن متعلق ایہند تصور چھ وونلہ وولمت ہیو باسان. 
خاب وقتِ سحر شعری کردارس وزناونی
خاب بستر بنتھ پنہ وجودس ووشنیر بخشن
راژ ہندی سبز خاب دوہلہ زرد پنکی ڈیر بننی. 
شاعرس سندی خاب چھ زمانکی مآل گمتی منن زرد پنکی ڈیر بناومتی. خابن ہند ایوتھ انہار تگہ نگہت جی یوتوی گرُن. 
سٹھاہ مبارک.

ریاض انزو

 ونہ چھم چھکہ نے تارکھ موٹھ 
خوابن   ونی تو     پرارن     تام   
 اسہ ما نیندری اسہ ما راتھی اسی ما چشمن منز مآدان
خواب وچھوکیاہ  خواب سرو کیاہ خوابن ما  کانہہ سمنس جاے  
 رست سوال میرا         اور  انکی سخاوتیں

چپکے سے  خواب جھولی میں  ڈال کر گیا 

 اس شخص سے میری رفاتیں عجیب ہیں

خوابوں کا ہمسفر ہے حقیقت  میں خواب ہے 

 ریاض انزو سندی اشعار  چھ مزہ دار. 

شاعر چھ خابن بابت تارکھ موٹھ چھکہ نک مآرمند منظر پآدا کران. 

خابن ہندی حوالہ محسنس پنہ نس طنزکس اندازس منز کتھ واتناونی چھ شاعرس منفرد بناواں. 

مبارک ریاض صاب.

 خابن ہندی حوالہ گلزار جعفر صابن واحد شار تہ چھ بڑہ مانی سوو.

کلہم پاٹھی آس یہ اکھ زبردست خاب گری ہنز محفل. ایژھ محفلہ منعقد کرنس پیٹھ سارنی مبارک. 

میہ باسان حکمس سپز تعمیل. 

شکریہ.
------------------------------------------------------------------------------------------------------