شاعر. عابد اشرف
تجزیہ نگار.
طارق احمد طارق
رفیع آباد بارہمولہ
میہ نزدیک چھ شاعرن اکھ خوبصورت ردیف ورتومت.
قافیہ پیمائی تہ چھ مآرمئز.
دل زدل، کانہہ ودل، مہلامہ سوکھل، بُتھ چھوکل، لیئکھ بدل، دل ہیتل، قسمت تھپل
قافین ہنز یہ ژآر چھ معنی سآو تہ تٔہ امیجری سآتی بریتھ تہِ.
شاعری بابت چھ جزبہ، تصور، تہ الفاظ تمہ تریہہ اکائی یمو سآتی شعرک وجود چھ. جزبہ تہ تصور چھ اتھ مجسّمس ماز تہ خون بہم تھاوان تہ الفاظ چھس ژمہ ہندی پآٹھ صورت فراہم کران. ژمہ ہنز خوبصورتی چھ گوڈ انوار وچھن وآلس توجہ نِوان. شاعرن چھنہ ویسے الفاظن ہنز ژآرِ منز کانہہ شکایت تھآومژ.
شاعر سند وجدان چھ بلاشک شاعرس آہنگ تہ موسیقیتک تقاضہ کران تہ شاعر چھ آمی بابتھ پنئن شاعری بحر بند تھاوان. یتھ غزلہ منز چھ امیوک بند بست ہنا ڈھیو لی پہن رودمت.
ہنا وچھو شارن ہند نفس مضمون.
شعر ۱.
اگر دل دُدمت آسہ تیلہ چھ اتھ شہلاونکی سامان ژھارنہ یوان.
دل زدل چھنہ شہلاونہ یوان. زدل دل چھنہ مے نزدیک شاعرانہ لہجس شوبان تہ.
محبوبہ سندی نخرہ چھ عشقس عظمت بخشان. تمہ سندئن ستمن "ودل" ناو دیون چُھم معیوب باسان.
شعر۲.
اگر عاشق دوکھ، سوکھ، تہ غم شکایت روژھ برداشت کرنُک دعویٰ گیر چھ تیلہ کیازِ "سوکھکھ مہلامہ " منگن.
سوکھکھ مہلامہ چھنہ میہ نزدیک لسآنیاتی ضرورژ تہ پور ہیکان کرتھ.
شعر۳.
گوڈ سآری بُتھی بے اصل قرار دئنی تہ پتہ محبوبس پنہ نس چھوکل بُتھس بابت دوا منگُن، یہ کیاہ معنی تھاوان. کیاہ تمام بُتھی بے اصل آسنس چھا عاشقہ تہ محبوب سندی بُتھی استسنیٰ.
شعر۴.
شاعری پریتھ چھ متئن دل شیٹھان کیاہ معنی دیوان. مئتی چھ مذہب ِعشقس منز عشقہ کیس پریتھ رنگس نعمژ ہندی رایہ وچھان.. محبوب تہ اگر امی کوچُک مسافر چھ تیلہ کیاز کینہہ بدل لیکھنچی فرمائش.
شعر۵.. روشن چھ محبوبہ سند گہنہ، یہ کیاز نییہ عاشقس ہوش. یہے وطیر چھ عاشقس محبوب سندی ناز تلہ ناوان تہ عشقہ مُت بناوان. وطیر بدلاونچہ فرفائش تہ چھ میہ نزدیک مذہب عشقس خلاف.
آخری شعرس منز اگر عاشق محبوبس پنن پان آیتن تھاوان چھ تیلہ کیاز چھنہ محبوبس قسمت تھپل.
میہ چھ باسان شاعرن چھ یہ غزل ہنا جلد بازی منز لیچھمژ. شاعر سند لہجہ چھ جاندار، لفظن ہنز ژآر خوبصورت مگر..
پریتھ کونہ شعرک نفس مضمون پزہ شاعرس گوڈ پانہ تنقیدی نظرو وچھن. ایہ کرنہ سآتی چھ شاعر کمالس واتان.
شاعرس میانہ طرفہ داد بسیار.
طارق احمد طارق
بہرام پورہ رفیع آباد
No comments:
Post a Comment