شاعر. بشیر دلبر
تبصر نگار. طارق احمد طارقؔ
آش
۔ ۔ ۔ ۔ ۔
سکہ صحراوچین
گریشمہ ژنجن منز
تھامہ گومت زن
اکھ کاروانا
ہینہ آمت سرابس منز
اکھ اکھ ارماں ویگلیومت زن
نفسی نفسی
بارو ہر سو
آش نہ باقی
گاش نہ باقی
پگہ ہس الووند
بس اکھ پژھ
شہلی کلین ہنز
..................................................................................
تبصر. از قلم طارق احمد طارقؔ
نظم نگارن چھ اکھ جان کوشش کرمژ.
کیمہ تام ہارمتی کاروانچی ناوومیدی تہ نامرادی باونچی.
پوز نطم لیکھنس منز چھس ہنا جلد بازی کام ہیژمژ.
سکہ صحراو بدل چلہ ہے صحراوی یوت تہ
"تھامہ گمت زن فقرس منز ہرگہ
زن
استعمال کرنہ بجاے تھامہ گمت یوتوی آسہے گمت یہ رٹہے
علامتک
رنگ،مگر اتھ تشبیہ ہند رنگ کھالتھ چھ معنی محدود کرنہ آمت.
"ہنہ آمت سرابس منز" چھنہ کانہہ اضافی نقش تھران بلکہ چھ بیجا اضافت باسان.
آش نہ باقی پتہ
"گاش نہ باقی"
چھ،میہ نزدیک، بالکل مہمل تُک بندی.
آش باقی نہ روزنہ پتہ کیمچی پژھ.
صحراوس منز نظمہ ہند پلاٹ تعمیر کرتھ
"شہلی کلین ہنز "
آش چھنہ منطقچن ہیرن کھستھ ہیکان.
نظم نگارس پزہ نظم لیکھنہ کس فنس پیٹھ ہنا بیہ ظُن دین.
No comments:
Post a Comment