نظم "میانی حسینن"
شاعر. ریاض ربانی
تجزیہ نگار
طارق احمد طارق
السلام علیکم.
زیر تبصرہ نظمہ پیٹھ گو جان آیہ تبصرہ.میانی خیالات تہ چھ تبصرہ نگارن سئتی سید سیود رلان. لہذا دھراوو نٔہ ماننہ آمژٔ کتھہ بیۂ.
نظم نگارن چھ جان کوشش کٔرمژ.شروعات تہ چھس جان پآٹھی کرمژ،تہ نظم چھن اند تہ جان پاٹھی واتہ نآومژ.داد واتیس ضرور دیون.
کہنہ گزارشات کرو مذید بہتری ہنزِ نئیژ.
شروعاتس منز یوس لہجہ شعری کردارس عطا کرنہ چھ آمت سُہ زنہ باسیوم کمزور پہن.
"دپاں" بدلہ اگر "مے وچھ" سئتی شروعات آسہے کرنہ آمژ.شعری کردار بنہ ہے تجربک حصہ، تہ جزبآتیتس لگہے عقیدتس سئتی واٹھ.
ؔ؎سوالو تل تلاطم یام پرژمس
فراتا کیاہ ژ رووے تریش آستھ
یتہ نس چھ شعری صنعت Apostropheاستعمال کرنہ آمژ،مگر یہ گرہ لگآوتھ چھ نفس مضمون ڈھیول گژھان.
باسان چھ "رنگین عمارت مسمار کرنس" تہ "شہج بونی تھلہ نس" دونوے کامین پتہ چھ فراتک اتھہ. یہ غر منطقی ربط چھ نظمہ ہند نقص نون کڈان.
فاتس سئتی کتھ اند واتنہ پتہ چھ یذیدس سئتی کتھہ کرنہ یوان.Apostropheہنز صنعژ چھ بیہ کامہ لاگنہ یوان.
نظمہ بابتھ چھ بحر "مفاعی لن،مفاعی لن،فعولن" گوڈے ژارنہ آمژ.
مگر وچہتو یہ شار
؎
یذیدا دل ژؤ بے نا،دلد منز پیار بےنا
مفاعیلن،فعولن،مفاعیلن،فعولن
آمی پتہ کس شعرس منزگوژھ
"مے ونتم" بجاے "مے ون" آسن.
..حق نصیبس آسن کیاہ سناہ گو.
...حسینئی شان بالا تارکن منز یہ کیاہ گو.حسینئنی شان چھ بالا صحاب صآبن ؓ منز،صحاب صآب چھ تارکھ بلاشک،مگر تارکن منز شان بالا لفظ استعمال کرن چھ شعری صنعژ ہنز جائز استعمالہ نش انحرافچ وتھ.
شاعرن چھ اکھ شار لیکھمت.؎
حیاتک مس مدر اسلام چوون
سہل چھا امتک ایماں بچوون
امن دون مصرن گوژھ بیہ ہن توجہ دیون.
کلہم پآٹھی چھ نظمہ منز انکسآری ہند عنصر کمے پہن،
حسین سندی اوصاف محض اجمالی طور، تہ نظم زنتہ جلد بازی منز اند واتہ ناونہ آمژ.
شاعرس داد.
🥀🥀🥀🥀🥀
طارق احمد طارق
No comments:
Post a Comment